திரித்துவத்திரியேகருக்கு தோத்திரமையா - ஆகா

192.

பல்லவி

                   திரித்துவத்திரியேகருக்கு தோத்திரமையா - ஆகா

                   விருப்பமாய் இவ்வாண்டைக் காண திருக்கிருபை செய்ததாலே

1.         ஆண்டவர் கிருபையாய் தந்த வருடமுமிதே - புது

            ஆரம்ப ஜனுவரி முதல் நூதன நாளுமிதே

            பாவிகளாம் நாங்களிதில் பங்கு பெற்றுக் கொண்டதாலே - திரி

2.         அநேகர் காணக்காத்திருந்தார் காணவில்லையே - இப்போ

            அடியார் மெய்யாய் கண்டு கொண்டோம் ஆச்சரியமே

            அநித்திய உலகைத் தாண்டி ஆனந்தம் நிலைக்கச் செய்யும்    - திரி

3.         கதையைப்போலே நாட்களெல்லாம் கழிந்து விட்டதே ஏசு

            கர்த்தனின் வருகை மிக அடுத்துவிட்டதே

            காலை மாலை ஜெபத்துடனே விழித்திருக்கத் தயைபுரியும்       - திரி

4.         மகிழ்ச்சியும் சிலருக்குண்டு இந்த வருஷமே - மன

            மயக்கமும் பலருக்குண்டு இந்த வருஷமே

            புகழ்ச்சியாய் கீதங்கள் பாடிப் போற்றவரம் தாருமையா               - திரி

5.         வேதத்தைத் தினம் வாசிக்க விருப்பம் தாருமே - எந்த

            வேளையும் ஜெபங்கள் செய்ய விழிப்பைத் தாருமே

            நாதனாம் கிறிஸ்தின் ரத்தம் பூசி நன்றாய் கழுவுமையா             - திரி

6.         நாட்களை எண்ணுமறிவைத் தாருமையாவே - முன்னே

            நரகமோட்ச முண்டெனவே கூறுமேசையா

            வானராஜன் வரக்காலம் அடுத்திடுது புது வருஷம்                     - திரி

7.         பரிசுத்த பிதாவுக்கென்றும் ஸ்தோத்திரமையா - எங்கள்

            பாக்கியராம் ஏசுவுக்கு ஸ்தோத்திரமையா

            தரிசனம் கொடுக்கும் வல்ல ஆவிக்கெங்கள் தோத்திரமே          - திரி