வருவாய் தருணமிதுவே அழைக்கிறாரே

பல்லவி

                   வருவாய் தருணமிதுவே அழைக்கிறாரே

                        வல்ல ஆண்டவர் இயேசுவண்டை

1.         வாழ்நாளை எல்லாம் வீண் நாளாய்

            வருத்தத்தோடே கழிப்பது ஏன்

            வந்தவர் பாதம் சரணடைந்தால்

            வாழ்வித்து உன்னைச் சேர்த்துக் கொள்வார்     - வரு

2.         கட்டின வீடும் நிலம் பொருளும்

            கண்டிடும் உற்றார் உறவினரும்

            கூடு விட்டு உன் ஆவி போனால்

            கூட உன்னோடு வருவதில்லை                        - வரு

3.         அழகும் மாயை நிலைத்திடாதே

            அதை நம்பாதே மயக்கிடுமே

            மரணம் ஓர் நாள் சந்திக்குமே

            மறவாதே உன் ஆண்டவரை                            - வரு

4.         வானத்தின் கீழே பூமிமேலே

            வானவர் இயேசு நாமம் அல்லால்

            இரட்சிப்படைய வழி இல்லையே

            இரட்சகர் இயேசு வழி அவரே                           - வரு

5.         தீராத பாவம், வியாதியையும்

            மாறாத உந்தன் பெலவீனமும்

            கோரக் குருசில் சுமந்து தீர்த்தார்

            காயங்களால் நீ குணமடைய                             - வரு

6.         சத்திய வாக்கை நம்பியே வா

            நித்திய ஜீவன் உனக்களிப்பார்

            உன் பெயரை ஜீவ புஸ்கத்தில்

            உண்மையாய் இன்று எழுதிடுவார்                     - வரு