மகனே ஓ மகளே

பல்லவி

                   மகனே ஓ மகளே உன் இதயத்தைத் தாராயோ

                        இப்போ தாராயோ இப்போ தாராயோ

சரணங்கள்

1.         கெட்ட மகனைப் போலத் துட்ட வழிகளில்

            மட்டு மிஞ்சி நீ அலைந்தாய் - உன்னைக்

            கட்டிப் பிடித்து முத்த மிட்டே அரவணைப்பேன்

            திட்டம் இது ஓடிவா                                         - மகனே

2.         அஞ்சா மனதுடனே பஞ்சமா பாதகங்கள்

            மிச்சவுமே புரிந்தாய் - உன்

            நெஞ்சம் உருகுதப்பா பஞ்ச காயங்களிலே

            தஞ்சம் தருவேன் வாராயோ                              - மகனே

3.         அங்கரங்கள் துளைக்க செங்குருதி சுரக்க

            தொங்கிக் குருசில் மரித்தேன் - உன்

            பங்கம் அனைத்தும் போக்கித் தங்க அரண்மனையில்

            சிங்காசனத்தில் அமர்த்த                                 - மகனே

4.         கையில் உனை எடுத்து மெய்யாய் அரவணைத்துக்

            கண்ணீர்கள் யாவும் துடைப்பேன் - நீ

            செய்யும் ஜெபங்கள் கேட்டுப் பெய்வேன் ஆசீர்வாதங்கள்

            நையாது காத்திடுவேன்                                                - மகனே

5.         நித்திய இராச்சியத்தில் நித்திய ஜீவனோடு

            நித்திய காலம் வாழலாம் - பரி

            சுத்த உலகமதில் அத்தன் மணவறையில்

            நித்தம் சுகித்திடலாம் வா                                - மகனே