மேக மீதில் ஏசு சுவாமி

337.

பல்லவி

                   மேக மீதில் ஏசு சுவாமி வேகம் வாராரே

அனுபல்லவி

                        ஆயத்தமுள்ளோரை ஆகாயஞ்சேர்க்க

                        அவர் வாராரே

1.         ஆண்டவர் தாமே ஆர்ப்பரிப்போடே

            அவனியில் வாராரே

            மீண்டவரோ மேலோகமே செல்ல

            மேதினியை விடுவார்                            - மேக மீதில்

2.         கிறிஸ்துவுக்குள் மரித்தோ ரெல்லாம்

            கிளம்பியே எழும்பிடுவார்

            மரிக்காதிருக்கும் பரிசுத்த ரெல்லாம்

            மறைந்தே போவாரே                             - மேக மீதில்

3.         பாடுபட்டோருக்கு பலனளிப்பாரே

            பாடுபட்டவர் தாமே

            கூடும் நமக்கோ குறைவில்லாப் பலனையே

            கூவியே கொடுத்திடுவார்                      - மேக மீதில்

4.         அவருரைத்த அடையாளங்களெல்லாம்

            தவறாமல் நடக்கின்றதே

            அவர் வரும் வேளையை எவருமறியார்

            ஆண்டவரேயறிவார்                             - மேக மீதில்

5.         ஆயிரவருஷம் ஆளுகை செய்வார்

            ஆண்டவர் ஏசு தாமே

            நீதி சமாதானம் நிறைந்தேயிருக்கும்

            ஜோதியின் ஆளுகையில்                     - மேக மீதில்

6.         அல்லேலூயா கீதமே பாடி

            அகமகிழ்ந்தாடிடுவோம்

            வல்லவர் வரும் வேளையுமிதோ

            மெல்லவே நெருங்கிற்றே                       - மேக மீதில்