ஏசுவைப் பார்த்து நட என் நேசா

207. சுருட்டி                   ஆதி தாளம் (150)

பல்லவி

                   ஏசுவைப் பார்த்து நட என் நேசா

1.         நமது பாவங்களுக்காக மரித்து - நாம்

            நடந்திட வழிகாட்டி முன்சென்ற          - ஏசுவை

2.         தீமைக்குத் தீமை செய்தாரோ? - தமைச்

            சிலுவையிலறைந்தோர்க்காய் ஜெபித்தாரே      - ஏசுவை

3.         சண்டை கூக்குரல் செய்யாரே - தம்

            சத்தத்தை வீதியில் காட்டாரே            - ஏசுவை

4.         நெரிந்த நாணலை முறியாரே - மங்கி

            எரிந்த திரியை அவியாரே                    - ஏசுவை

5.         உருக்க விரக்கங்களுள்ளாரே - அவர்

            செவிடூமை குருடர்களை தள்ளாரே      - ஏசுவை

6.         நன்மை செய்வதில் ஓய்ந்ததுமில்லை

            நாட்களை வீணிலே கழித்ததுமில்லை - ஏசுவை