பெத்தலையில் பிறந்தவரைப்

                      சரசாங்கி                          திஸ்ர ஏகதாளம்

பல்லவி

 

                   பெத்தலையில் பிறந்தவரைப்

                        போற்றித் துதி, மனமே - இன்னும்

சரணங்கள்

1.         சருவத்தையும் படைத்தாண்ட சருவ வல்லவர் - இங்கு

            தாழ்மையுள்ள தாய்மடியில் தலைசாய்க்கலானார்.          - பெத்

2.         சிங்காசனம் வீற்றிருக்கும் தேவ மைந்தனார் - இங்கு

            பங்கமுற்ற பசுத்தொட்டிலில் படுத்திருக்கிறார்               - பெத்

3.         முன்பு அவர் சொன்னபடி முடிப்பதற்காக - இங்கு

            மோட்சம் விட்டுத் தாழ்ச்சியுள்ள முன்னணையிலே        - பெத்

4.         ஆவிகளின் போற்றுதலால் ஆனந்தங்கொண்டோர் - இங்கு

            ஆக்களுட சத்தத்துக்குள் அழுது பிறந்தார்                - பெத்

5.         இந்தடைவாய் அன்பு வைத்த எம்பெருமானை - நாம்

            எண்ணமுடன் போய்த்துதிக்க ஏகிடுவோமே                   - பெத்

- ஜான் பால்மர், நாகர்கோவில்.