பெத்தலெகேம் ஊரோரம்

சரணங்கள்

1.       பெத்தலெகேம் ஊரோரம் சத்திரத்தை நாடிக்

            கர்த்தன் இயேசு பாலனுக்கு துத்தியங்கள் பாடி

            பக்தியுடன் இத்தினம் வா ஓடி                          - பெத்

2.         காலம் நிறைவேறின போதிஸ்திரியின் வித்து

            சீலகன்னி கர்ப்பத்தில் ஆவியால் உற்பவித்துப்

            பாலனான யேசுநமின் சொத்து                           - பெத்

3.         எல்லையில்லா ஞானபரன் வெல்லைமலையோரம்

            புல்லனையிலே பிறந்தார் இல்லமெங்குமீரம்

            தொல்லை மிகும் அவ்விருட்டு நேரம்                - பெத்

4.         வான் புவி வாழ் ராஜனுக்கு மாட்டகந்தான் வீடோ

            வானவர்க்கு வாய்த்த மெத்தை வாடின புல்பூண்டோ

            ஈனக் கோலமிது விந்தையல்லோ                      - பெத்

5.         அந்தரத்தில் பாடுகின்றார் தூதர் சேனை கூடி

            மந்தை ஆயர் ஓடுகின்றார் பாடல் கேட்கத் தேடி

            இன்றிரவில் என்ன இந்த மோடி                        - பெத்

6.         ஆட்டிடையர் அஞ்சுகிறார் அவர் மகிமை கண்டு

            அட்டியின்றி காபிரியேல் சொன்ன செய்தி கொண்டு

            நாட்டமுடன் ரட்சகரைக் கண்டு                       - பெத்

7.         இந்திரியுடு கண்டரசர் மூவர் நடந்தாரே

            சந்திரத் தூபம் போளம் வைத்துச் சுதனைப் பணிந்தாரே

            விந்தையது பார்க்கலாம் வா நேரே                    - பெத்