இனி நமக்கென்ன பயமேது

273. ஆனந்தபைரவி       ஆதி தாளம் (230)

பல்லவி

                   இனி நமக்கென்ன பயமேது

                   ஏசு நாதனருளிருக்கும்போது

அனுபல்லவி

            மனித வடிவாய் இந்த மானிலம் வந்த ஏசு

            அனுதினம் நமதுடனருகிலிருக்கும் போது        - இனி

1.         வழிதனில் பிறவிக்குருடன்

            வருவோரிடம் பிச்சை கேட்டு இருக்க

            ஒளி போலிலங்கும் ஏசு உன் மேலிரங்கி வந்து

            விழிகள் திறந்து மனங்களிக்கச் செய்தோனிருக்க          - இனி

2.         பெரும்பாடுகொண்ட ஒரு மாது

            ஐயன்பேணி வஸ்திரம் தொடும்போது

            ஒருவருமறியாமலுடனே உதிரம் நீங்க

            வருவார் மனமகிழ்ச்சி மகிழ்ச்சி செய்தோனிருக்க          - இனி

3.         குஷ்ட வியாதி கொண்ட ஒருவன்

            குளக்கரையில் அனுதினமிருக்க

            அஷ்டதிசை புகழும் ஆயனார் அங்கு வந்து

            கிட்டஅவனைத்தொட்டு கிருபை செய்தோனிருக்க      - இனி