எந்தக் காலத்திலும் எந்த நேரத்திலும்

பல்லவி

                        எந்தக் காலத்திலும் எந்த நேரத்திலும்

                        நன்றியால் உம்மை நான் துதிப்பேன்

                        இயேசுவே உம்மை நான் துதிப்பேன் துதிப்பேன்

                        எந்த வேளையிலும் துதிப்பேன்

சரணங்கள்

1.         ஆதியும் நீரே - அந்தமும் நீரே

            ஜோதியும் நீரே - என் சொந்தமும் நேரே            - எந்த

2.         தாய் தந்தை நீரே தாதையும் நீரே

            தாபரம் நீரே - என் தாரகம் நீரே                        - எந்த

3.         வாழ்விலும் நீரே - தாழ்விலும் நீரே

            வாதையில் நீரே - என் பாதையில் நீரே            - எந்த

4.         வானிலும் நீரே பூவிலும் நீரே

            ஆழியில் நீரே - என் ஆபத்தில் நீரே                - எந்த

5.         துன்ப நேரத்தில் இன்பமும் நேரே

            இன்னல் வேளையில் - என் மாறிடா நேசர்        - எந்த

6.         ஞான வைத்தியராம் - ஔஷதம் நீரே

            ஆத்ம நேசராம் - என் நண்பரும் நீரே               - எந்த

7.         ஞானமும் நீரே - கானமும் நீரே

            தானமும் நீரே - என் நாதனும் நீரே                   - எந்த

8.         ஆறுதல் நீரே - ஆதாரம் நீரே

            ஆசையும் நீரே - என் ஆனந்தம் நீரே               - எந்த

9.         மீட்பரும் நீரே - என் மேய்ப்பரும் நீரே

            மேன்மையும் நீரே - என் மகிமையும் நீரே           - எந்த

10.       தேவனும் நீரே - என் ஜீவனும் நீரே

            ராஜராஜனாம் - என் சர்வமும் நீரே                     - எந்த