சந்தோஷமாகவே நீ போய் வா என் தங்கையரே

189. இராகம் (இன்னமும் தாமதிகதால் என்னமா)

பல்லவி

          சந்தோஷமாகவே நீ போய் வா என் தங்கையரே

அனுபல்லவி

            சந்தோஷமாகப் போய்வாயே - சந்தோஷ

1.         எந்தன் பரனருளால் என்றென்றும் நீ செழித்து

            சந்ததம் வாழ்ந்திருப்பாயே                    - சந்தோஷ

2.         கோடான கோடியாய் நீ குவலய மேற் பெருகி

            நீடாயுள் பெற்றிருப்பாயே                        - சந்தோஷ

3.         சத்துருக்களை ஜெயித்து சந்ததியாய்க் கெலித்து

            இத்தரையில் வாழ்ந்திருப்பாயே            - சந்தோஷ

4.         கர்த்தருக்குப்பயந்துன் காலங்களைக் கடத்தி

            உத்தமப்பெயர் எடுப்பாயே                      - சந்தோஷ

5.         சாந்தம் பொறுமை தயை சற்குணம் தானதர்மம்

            ஈந்து சுகித்திருப்பாயே                          - சந்தோஷ

6.         பக்தன் .................. க்கு பண்பாய் கீழ்ப்படிந்து

            நித்தம் வாழ்ந்திருப்பாயே                     - சந்தோஷ

7.         தாதிமாரோடு உந்தன் சாமான்களை எடுத்து

            நீதியாய் போய் வருவாயே                      - சந்தோஷ

8.         ஏசுபரன் சுதன்தன் திருக்கரத்தாலுங்களை

            ஆசீர்வதிப்பாராகவே                            - சந்தோஷ