வந்தாளிம் மண வீட்டிலே - மண

187. இராகம் (நித்தம் அருள் செய் தாயாளனே)                                  (295)

பல்லவி

                   வந்தாளிம் மண வீட்டிலே - மண

                   வாளரில் அன்பு பாராட்டியே, சுவாமி

1.         ஏதமில்லாத காலத்திலே, ஆதம்

            ஏவையைப் பூங்கா வனத்திலே

            ஆதரவாயிருபேரும் சிநேக

            மாயிருந்துனைத்துதித்தார்களன்பாக

            நாதனே இம்மணர் இருவரையும் காரும்

            நலமுடன் உனதருள்புரி - பரிவாக       - வந்தாளிம்

2.         சுந்தரச்சீயோன் குமாரியை, உனை

            துதித்தகமகிழுஞ் சிங்காரியை

            கந்த மணமுடிக்க என் மனந்தேறி

            கலியாணம் செய்துகொண்ட கருணையின் வாரி

            இந்த மணருக்குந்தன் அருள் வரம் சூடி

            ரட்சிக்கவேண்டும் பர உபகாரி              - வந்தாளிம்

3.         உத்தம (தகப்பனார் பெயர்) பெற்ற

            புத்திரன் (மாப்பிள்ளை பேர் அலுவல்)

            உத்தமி மணமகள் (பெண் பேர்)

            உரிமை பெருமையுடன் உறுதியாய் வாழ

            அத்தனெ உனதருள் கரம் இவர்மேலே

            அனுதினம் அமர்ந்திட அருள்செய்யும் சுவாமி   - வந்தாளிம்

4.         பூமகன் பூமகள் வாழ்கவே, இவர்

            புத்ர சந்தானத்துடன் வாழ்கவே

            கலியாணத்திற்கு வரும் யாவரும் வாழ்க

            கலியாண காரியம் கைகூடி வாழ

            தாமணம் தேவகுமாரனின் நாமம்

            சங்கீர்த்தனம் பெற்று சந்ததம் வாழ       - வந்தாளிம்