காணக்கிடைக்காத தங்கம்

333.

பல்லவி

                   காணக்கிடைக்காத தங்கம் - இவர்

                   மானுவேலாய் வந்தவதரித்தார் - துங்கம்

1.         கண்களினால் காணக்கிடையாத காட்சி

            கண்டோம் நாங்கள் களிகொண்டோ மின்று மாட்சி        - காண

2.         மட்டில்லா கிருபையால் மனுக்களை மீட்க

            கொட்டிலில் இவரோர் குழந்தை வடிவானார்                - காண

3.         வானதூதன் சொன்ன ஞான தேசிகரை

            ஊனக்கண்ணால் கண்டு உள்ளம் மகிழ்வோமே              - காண

4.         பாலும் தயிர் வெண்ணெய் பாகும் படைத்து நாம்

            பாதம் பணிந்து பண்பாடி துதி செய்வோம்                      - காண