சீயோனிலே என் திட அஸ்திபாரம் கிறிஸ்துவே

பல்லவி

          சீயோனிலே என் திட அஸ்திபாரம் கிறிஸ்துவே - அவர்

            நான் என்றும் நம்பும் கன்மலை

சரணங்கள்

1.         கலங்கிடுவேனோ பதறிடுவேனோ

            கர்த்தரில் விசுவாசம் இருக்கையிலே

            அசையா என் நம்பிக்கை நங்கூரமே

            இயேசுவில் மாத்திரமே                         - சீயோ

2.         புயலடித்தாலும் அலை மோதினாலும்

            எவர் எனக்கெதிராய் எழும்பினாலும்

            எனக்கு எட்டாத உயரத்திலே

            எடுத்தவர் நிறுத்திடுவார்                                  - சீயோ

3.         வியாதியினாலே காயம் வருந்தி

            வாடியே மரண நிழல் சூழினும்

            விசுவாசத்தின் கரத்தாலவர்

            வாக்கை நான் பற்றிடுவேன்                               - சீயோ

4.         மாபரிசுத்த விசுவாசத்தாலே

            மாபரிசுத்த ஸ்தலம் ஏகிடவே

            திரை வழியாம் தன் சரீரத்தினால்

            திறந்தாரே தூய வழி                                         - சீயோ

5.         நான் விசுவாசிப்போர் இன்னாரென்றறிவேன்

            என்னையே படைத்திட்டேன் அவர் கரத்தில்

            முடிவுவரை நடத்திடுவார்

            முற்றுமாய் இரட்சிப்பாரே                                   - சீயோ