கிறிஸ்துவின் அடைக்கலத்தில்

                   கிறிஸ்துவின் அடைக்கலத்தில்

                        சிலுவையின் மாநிழலில்

                        கன் மலை வெடிப்பதனில்

                        புகலிடம் கண்டு கொண்டோம்

1.         கர்ச்சிக்கும் சிங்கங்களும்

            ஓநாயின் கூட்டங்களும்

            ஆடிடைக் குடிலினில்

            மந்தைகள் நடுவினில்

            நெருங்கவும் முடியாது               - நாம்

2.         இரட்சிப்பின் கீதங்களும்

            மகிழ்ச்சியின் சப்தங்களும்

            கார்மேக இருட்டினில்

            தீபமாய் இலங்கிடும்

            கர்த்தரால் இசை வளரும் - (2)            - நாம்

3.         தேவனின் இராஜ்ஜியத்தை

            திசை எங்கும் விரிவாக்கிடும்

            ஆசையில் ஜெபித்திடும்

            அதற்கென்றே வாழ்ந்திடும்

            யாருக்கும் கலக்கம் இல்லை - (2)        - நாம்

4.         பொல்லோனின் பொறாமைகளும்

            மறைவான சதி பலவும்

            வல்லோனின் கரத்தினில்

            வரை படமாயுள்ள

            யாரையும் அணுகாது - (2)                    - நாம்