வாவா ஜெகதீசா வரந்தரவே வாவா ஜெகதீசா

இது சமயம் வாவா ஜெகதீசா

1. இரண்டு மூன்று பேர் கூடி தொண்டுபுரியும் வேளை

அண்டையில் வருவேனென்றீரே அட்டி சொல்லாதே - வாவா

2. பன்னிரு சீஷர்களும் பரிசுத்த ஆவிபெற

பற்பல பாஷை பேசினார் பிரசங்கம் செய்ய - வாவா

3. காவில் கனி புசித்த ஏவையின் மக்களுக்காய்

பூவில் கன்னி பாலுண்டவா, புகல் சொல்லாதே - வாவா

4. மோசே முதலாயுள்ள தீர்க்கர் முனிவர்கட்கும்

ஆசீர்வாதம் கொடுத்தவா அருள் புரிய - வாவா

5. கேளுங்கள் அப்பொழுது கிருபையாகக் கொடுப்பேன்

தட்டுங்கள் திறப்பேன் என்றீரே, தாமதமென்ன - வாவா