விதைப்பும் அறுப்புமே

1.       விதைப்பும் அறுப்புமே

            பூமியின் மீதினிலே

            மாறி மாறி வருமே

            பகலும் இரவுமாய்

            வருடங்கள் மாயமாய்

            நழுவியே சென்றிடுமே

பல்லவி

                        சிந்திப்பீர், சிந்திப்பீர்

                        காலங்களைச் சிந்திப்பீர்

                        இயேசு கிறிஸ்துவின்

                        வேலை ஒன்றே - இன்று

                        பிரதானம்

2.         ஒன்று இரண்டென

            எத்தனை வருடங்கள்

            கனவென கழிந்தது பார்

            எஞ்சிய நாட்களை வஞ்சிக்காது

            தேவப் போரினில் ஈடுபடு                       - சிந்திப்பீர்

3.         நாடுகள் நடுவினில்

            வாய்ப்புகள் உனக்காக

            எத்தனை நாட்கள் உண்டு

            சாதகமானதோர் வாசல் இங்கு கண்டு

            வந்து பயன்படுத்து                                - சிந்திப்பீர்

4.         ஆழக்கடல்களில்

            படகைச் செலுத்திட

            கடல்போன்ற தேவையல்லோ?

            பாவக் கடலினில் மூழ்கிடும் யாவருக்கும்

            படகு உன் சாட்சியல்லோ?                   - சிந்திப்பீர்