வாழ்த்துகிறேன் இயேசு சுவாமி

பல்லவி

 

                   வாழ்த்துகிறேன் இயேசு சுவாமி

                        வாழ்த்துகிறேன் இக்காலையிலே

அனுபல்லவி

            அற்புதமாய் இராமுழுவதும் அடியேனைக் காத்தீரே      - வாழ்

சரணங்கள்

1.         உமது செட்டை நிழலதிலே படுத்திருந்தேன் இராமுழுவதும்

            உமது கரம் அணைத்திடவே ஆறுதலாம் நித்திரையும்            -வாழ்

2.         நித்திரையை இன்பமாக்கி பத்திரமாய் இருதயத்தை

            சுத்தமான இரத்தத்திற்குள் சுத்தமாக வைத்திருந்தீர்              - வாழ்

3.         பலவிதமாம் சோதனைகள் எமைச்சூழ வந்திருந்தும்

            ஒன்றும் எமை அணுகாமல் அன்புடன் பாதுகாத்தீர்                   - வாழ்

4.         சந்திப்பீரே இக்காலைதனில் தந்திடவே திருவரங்கள்

            சந்தோஷமாய் பகல் முழுதும் ஆவிக்குள் யான் பிழைக்க - வாழ்

5.         தந்திடுவீர் அபிஷேகம் புதிதாக இப்புதுநாளில்

            நடத்திடுவீர் ஆவியினால் உமது திருச் சித்தமதில்                 - வாழ்

6.         பாவமென்றும் அணுகிடாமல் பரிசுத்தமாம் பாதை செல்ல

            தேவையான சர்வாயுதங்கள் தாரும் ஜெப ஆவியுடன்                 - வாழ்

7.         படைக்கிறேன் என் இருதயத்தை பலிபீடத்தில் முற்றுமாக

            கண்களுடன் செவியோடு வாயும் கையும் காலுமாக                    - வாழ்

8.         செய்வேன் யான் எப்பொழுதும் உம் சித்தமே ஆசையுடன்

            ஒழித்திடுவேன் வீண் வார்த்தை பேசிடுவேன் உம் வாக்கை      - வாழ்

9.         எனைக்காண்போர் உம்மைக்காண உம் சாயல் எனில் வேண்டும்

            தந்திடுவீர் தாழ்மையையும் பொறுமையுடன் அன்புமாக             - வாழ்

10.       நேசரே உம் திருவருகை இந்நாளில் இருந்திடினும்

            ஆசையுடன் சந்திக்கவே ஆயத்தமாய் வைத்துக்கொள்ளும்     - வாழ்