அபிஷேகம்
தாரும் வல்ல தேவனே
வானவரோடு
பறந்து செல்ல
1. சத்திய ஆவி வல்லமை என்னில்
பூரணமாகப் போர்த்திடுமே
சத்திய வார்த்தை என்னில் நிலைக்க
சுத்திகரித்தென்னை நிறைத்திடுமே - அபி
2. நித்திய தேவன் நீசனாம் என்னை
தன்னோடு சேர்க்க தந்த ஆவி
குற்றம் குறைகள் கறை திரைகள்
முற்றுமே நீக்குமே அபிஷேகம் - அபி
3. திக்கற்றோராக கை விடாதென்றும்
தேற்றரவாளனாய் வந்தார் நம்மில்
திரியேக தேவன் சீயோனின் ராஜன்
அச்சாரமாய்த் தந்த அபிஷேகம் - அபி
4. அப்போஸ்தலர்கள் மேல் வீட்டில் கூடி
அபிஷேகம் பெற்ற வல்லமையால்
அடையாளங்களினால் இயேசுவின் அன்பை
அறிவித்தே சென்றார் சாட்சியாக - அபி
5. சாத்தானின் சேனை தோற்றோடச் செய்யும்
சர்வாயுத வர்க்கம் அபிஷேகம்
மாமிசமான யாவரின் மேலும்
அக்னி ஆவியை போர்த்திடுமே- அபி
No comments:
Post a Comment