அதிசயமான தேவனே
பல்லவி
அதிசயமான தேவனே!
ஆலோசனை தரும் கர்த்தரே!
ஆசை உந்தன்மேல்
மாத்திரம்
உம் அன்புக்கீடேதுமுண்டோ?
சரணங்கள்
1. தந்தை போல் சுமந்தவரே - தாயின்
கருவினில் காத்தவரே
உம்மாலாகாத காரியம் ஒன்றுமில்லை
உம்மை நம்பினோர் வெட்கியே போனதில்லை -
அதிசய
2. நேசக்கொடி எந்தன்மேல் - வீசி
பாசமாய்ப் பறந்திடுதே
நீசன் என்னையும்
பேர் சொல்லி அழைத்தீரன்றோ?
நித்தம் கிருபையினால் முடிசூட்டிடுவீர்
- அதிசய
3. உலகில் உள்ளவனிலும் - என்னில்
இருப்பவர் பெரியவரே
உந்தன் வல்லமையால் ஜெயம் பெற்றிடுவேன்
கர்த்தர் என் முன்னே செல்வதால் கலங்கிடேனே
- அதிசய
4. குயவன் கை களிமண்ணைப் போல் - தேவா!
உம்மிடம் ஒப்புவித்தேன்
உந்தன் மனதின்படி என்னை வனைந்திடுமே
எஜமானனே உமக்கு நான் அடிமையன்றோ! - அதிசய
5. சீயோனில் வாசம் செய்யும் - எந்தன்
இயேசுவை அடைந்திடவே
ஆசையாய் இலக்கை நோக்கியே ஓடிடுவேன்
வேகம் பந்தயப் பொருளைப் பெற்றிடுவேன் -
அதிசய
Comments
Post a Comment