இயேசு என்ற திருநாமத்திற்கு

பல்லவி

          இயேசு என்ற திருநாமத்திற்கு

            எப்போதுமே மிகத் தோத்திரம்

சரணங்கள்

1.         வானிலும் பூவிலும் மேலான நாமம்

            வல்லமையுள்ள நாமமது

            தூயர் சொல்லித் துதித்திடும் நாமமது   - இயேசு

2.         வேதாளம் பாதாளம் யாவையும் ஜெயித்த

            வீரமுள்ள திரு நாமமது

            நாமும் வென்றிடுவோமிந்த நாமத்திலே - இயேசு

3.         பாவத்திலே மாளும் பாவியை மீட்கப்

            பாரினில் வந்த மெய் நாமமது

            பரலோகத்தில் சேர்க்கும் நாமமது          - இயேசு

4.         உத்தம பக்தர்கள் போற்றித் துதித்திடும்

            உன்னத தேவனின் நாமமது

            உலகெங்கும் ஜொலித்திடும் நாமமது    - இயேசு

5.         சஞ்சலம் வருத்தம் சோதனை நேரத்தில்

            தாங்கி நடத்திடும் நாமமது

            தடைமுற்று மகற்றிடும் நாமமது            - இயேசு