போற்றுவோமே போற்றுவோமே

பல்லவி

          போற்றுவோமே போற்றுவோமே

            எம் தேவரீரை இவ்வேளையிலே நன்றியுடனே

1.         துங்கன் யேசுவே தூயா உமக்கே

            துதிகள் சாற்றிடுவேன்

            மங்கா புகழும் மகிழ்ந்துபோற்றி

            எங்கும் துதித்திடுவேன்

            கங்குல் அற எங்குமே ஒளி

            மங்கிடாமலே தங்கிட வேணும்             - போற்றுவோமே

2.         ஆழ்ந்த சேற்றினில் அமிழ்ந்த எம்மையே

            அணைத்து எடுத்தோனே

            ஆழிதன்னில் எம் பாவம் எறிந்த

            அன்னை உத்தமனே

            அன்றும் என்றும் என்றும் துதிப்பேன்

            மன்னவனையே மண்ணிதினிலே           - போற்றுவோமே

3.         பாவம் போக்கியே கோபம் மாற்றியே

            ரோகம் தொலைத்தோனே

            துரோகி என்னையே சுத்திகரித்த

            தூய வேந்தனே

            தூயா நேயா காயமாற்றியே

            கருணாநிதியே பரிகாரியே                    - போற்றுவோமே

4.         பாரில் என்னையே பிரித்தெடுத்தோனே

            தாவி வந்தோனே

            அகமதினிலே ஆவி ஈந்திட

            அருள் நிறைந்தவனே

            தரிசனம் தந்த தேவனே

            பரிசுத்தமாய் பாரில் ஜீவிக்க                  - போற்றுவோமே

5.         பூரணர் ஆகவே பூவில் வாழ்ந்திட

            கிருபை அளித்தோனே

            புகழை விரும்பேன் மகிழ்வேன் தினமே

            மகிமை செலுத்திடுவேன்

            கோனே தேனே கோதில்லாதோனே

            கானம் பாடியே துதித்திடுவேன்             - போற்றுவோமே