உன்னதர் இயேசுவுக்கே - உந்தன்
பல்லவி
உன்னதர்
இயேசுவுக்கே - உந்தன்
உள்ளத்தைத் தந்திடாயோ
சரணங்கள்
1. வருந்தும் பாவப் பாரமதை
வருந்தியே சுமக்கும் மானிடனே
வல்லவராம் இயேசுவண்டை
வந்தே சுகம் பெறுவாய் - உன்னதர்
2. வானில் விரைந்தே பறந்தாலும்
பூமியில் கடலினிலே அலைந்தாலும்
தன் ஜீவனைத் தந்தோருன்னை
அன்போடு காத்திடுவார் - உன்னதர்
3. பசும்புல் வெளியில் மேய்த்திடுவார்
பாதையில் வாதையில் காத்திடுவார்
தாகம் வரா ஜீவ தண்ணீர்
தந்துன்னைத் தேற்றிடுவார் - உன்னதர்
4. வழியும், ஜீவன், சத்தியமும்
விழிதனில் ஒளியும் அவர்தானே
அவரையே நீ நம்பி வந்தால்
ஆறுதல் கண்டடைவாய் - உன்னதர்
5. ஜீவ பலியாய் உன்னிதயம்
இயேசுவுக்கு நீ தந்து விட்டால்
மண்ணினிலே சந்தோஷமும்
விண்ணில் வாழ்வும் பெறுவாய் - உன்னதர்
Comments
Post a Comment