கோடாகோடி ஸ்தோத்திரம் ஏறெடுப்போம்

பல்லவி

          கோடாகோடி ஸ்தோத்திரம் ஏறெடுப்போம்

            இராஜாதி ராஜன் தேவாதி தேவன்

            இயேசு கிறிஸ்துவுக்கே மகிமை

சரணங்கள்

1.         பரிசுத்தவான்கள் சபை நடுவே

            தரிசிக்கும் தேவ சமூகத்திலே

            அல்லேலுயா அல்லேலுயா

            ஆவியில் பாடி மகிழுவோம்

            ஆண்டவர் இயேசுவைக் கொண்டாடுவோம்      - கோடாகோடி

2.         கிருபாசனத்தண்டை நெருங்குவோம்

            திருரத்தம் கரத்தில் ஏந்தி நிற்போம்

            அல்லேலுயா அல்லேலுயா

            கண்டேன் சகாயம் இரக்கமே

            கர்த்தர் கிருபை என்றும் உள்ளதே - கோடாகோடி

3.         குருவி பறவை வானம்பாடியே

            கவலையின்றிப் பறந்து பாடுதே

            அல்லேலுயா அல்லேலுயா

            அற்புதமான சிருஷ்டிகரே

            அந்த விசுவாசம் கற்றறிந்தோம்     - கோடாகோடி

4.         கவலைப்படாதீர்கள் என்றுரைத்தீர்

            காட்டுப் புஷ்பத்தை உடுத்துவித்தீர்

            அல்லேலுயா அல்லேலுயா

            ஆடை ஆகாரம் தேவை எல்லாம்

            அன்றன்று தந்தெம்மை ஆதரித்தீர்    - கோடாகோடி

5.         கணக்கில்லா நன்மைகள் கர்த்தர் செய்தீர்

            கருத்துடன் பாடி நன்றி கூறுவோம்

            அல்லேலுயா அல்லேலுயா

            தேவ குமாரன் வந்திடும் நாள்

            துய முகம் கண்டு கெம்பீரிப்போம்    - கோடாகோடி