Tamil Christian Songs: ஒன்றாய் ஒருமனமாய் வாழ்ந்திடுவோம் நாம்

31 October 2025

மேலும் அதிக பாடல்களுக்கு

ஒன்றாய் ஒருமனமாய் வாழ்ந்திடுவோம் நாம்

ஒன்றாய் ஒரு அவையாய் வளர்ந்திடுவோம் நாம்

அன்பெனும் அணியுடன் அருட்பணி செய்யவே

அன்புடன் ஆண்டவர் அழைக்கின்றார் நம்மையே

ஒன்றாய் இணைவோம் ஒன்றாய் வளர்வோம்

ஒருமனமாய் ஓருடலாய் ஒரே அவை யாவோம் - (2)

1. பிரிவினை சுவரை நாம் உடைத்து எறிவோமே

பிறரையும் அன்பினால் அனணத்துக் கொள்வோமே

எதிரியை இயேசு போல் நேசிக்க பழகிடுவோம்

எல்லோரும் ஒன்றாய் வாழ இன்றே உழைத்திடுவோம் - ஒன்றாய் இணைவோம்

2. கோட்பாடுகள் பலவற்றால் பிரிந்து கிடக்கின்றோம்

ஜாதி மத இன வேற்றுமையால் பகைமை வளர்க்கின்றோம்

இயேசு சொன்ன அன்பின் வழியை ஏன் மறந்தோம் நாம்

எல்லோரும் இறை மக்கள் என்று உணர்ந்திடுவோம் - ஒன்றாய் இணைவோம்

3. படைப்புகள் அனைத்தையும் பேணி காத்திடுவோம்

படைத்தவர் பாரத்தை நிறைவேற்றிடுவோம்

தலைமுறைகள் வாழும் இடமாய் பூமி மாறச் செய்வோம்

படைப்புடன் இசைந்து வாழ்ந்து பரனை போற்றிடுவோம் - ஒன்றாய் ஒருமனமாய்

- Rev. Y. Sujin Raj