முடிந்ததென்று இயேசுநாதர்

மேலும் அதிக பாடல்களுக்கு

204. இராகம்: சங்கராபரணம் தாளம்: ஆதி

“பாடுபட்ட இயேசையா” என்ற மெட்டு

பல்லவி

முடிந்ததென்று இயேசுநாதர்

முழக்கத்துடன் மொழிந்தனர்

அனுபல்லவி

அடியாருக்காய் யாவற்றையும்

முடித்துவிட்ட படியினால் - முடிந்ததென்று

சரணங்கள்

1. நியாயப் பிரமாண மெல்லாம்

நிறைவேற்றியே தீர்ந்த பின்

தியாக பலியாகத் தம்மைச்

செலுத்துகின்ற தருணத்தில் - முடிந்ததென்று

2. மோசே முதலான தீர்க்கர்

முன்னுரைத்த வைகளைக்

காசினியில் வந்துதித்துக்

கர்த்தன் நிறை வேற்றினார் - முடிந்ததென்று

3. இரட்சண்ய ஏற்பாட்டைத் தம்

இரத்தத்தாலே முத்திரித்து

இரக்கத்தினால் மோட்ச வாசல்

திறந்து வைத்து விட்டபின் - முடிந்ததென்று

4. முற்றும் நம்மைத் தாங்கிடவும்

முழுவதுமாய் இரட்சிக்கவும்

குற்றமின்றித் தமக்கு முன்னே

நிற்கச் செய்யவும் வல்லோர் - முடிந்ததென்று

Tamil Christian Songs