மின்னாள் சீக்கிரம் வரச் சொன்னாள்

மேலும் அதிக பாடல்களுக்கு

 

 

 

 

 

 

120. இராகம்: ஆனந்தபைரவி                             சாப்புதாளம்

 

                             பல்லவி

 

                   மின்னாள்[1] சீக்கிரம் வரச் சொன்னாள், வரச் சொன்னாள்.

 

                             அனுபல்லவி

 

          மன்னா, ஏசுகிறிஸ்து மகராஜா, ஓசன்னா! - மின்

 

                             சரணங்கள்

 

1.         உமது சபையாம் மனையாட்டி-உம

            துருக்கத்தினால் உம்மில் அன்பு பாராட்டி - மின்

 

2.         சீயோன் மகள் காதல் மிஞ்சி; உமைச்

            சீக்கிரம் வரச் சொன்னாள், மெத்தவும் கெஞ்சி; - மின்

 

3.         எருசலேம் மகள் உமைத் தேடி-மன

            தேங்கி, ஏங்கி, மதி முகம் மிக வாடி - மின்

 

4.         ஆவி நீர் கொடுத்த அச்சாரம்-மேவி

            அப்பா, பிதாவே, என்று அழைக்கச் செய்தீர் ஆம் - மின்

 

5.         திருடன்போல் வருவேன் என்றீர் ஆம்-தினம்

            ஜெபம்பண்ணி, விழித்துக்காத்திருக்கச் சொன்னீர் ஆம் - மின்

 

6.         தேவரீருடன் ஒன்றாய்க்கூடி-நித்ய

            ஜீவனை அடைந்திட மிகவும் மன்றாடி - மின்

 

7.         ஏழை அடியாள் பாவம் தீரும்;-உம

            தின்பத் திருச்சபையின் மகிமையில் சேரும் - மின்

 

 

- மரியான் உபதேசியார்

 

 

YouTube Link

 

 

 

 

 

 

கிறிஸ்தவ பாடல் தொகுப்பு

 

PDF பாடல் புத்தகங்கள் பதிவிறக்கம்

---

[1] மணவாட்டி