வர வேணும் என தரசே

வரவேணும் எனதரசே

 71. (119) கரஹரப்பிரியா                                 ஆதிதாளம்

பல்லவி

                        வர வேணும், என தரசே,

                        மனுவேல், இஸரேல் சிரசே.

அனுபல்லவி 

                        அருணோ தயம் ஒளிர் பிரகாசா,

                        அசரீரி ஒரே சரு வேசா! - வர

சரணங்கள்

1.         வேதா, கருணா கரா, மெய்யான பரா பரா,

            ஆதார நிராதரா[1], அன்பான சகோ தரா,

            தாதாவும் தாய் சகலமும் நீயே;

            நாதா, உன் தாபரம் நல்குவாயே. - வர

2.         படியோர் பவ மோசனா, பரலோக சிம்மாசனா,

            முடியா தருள் போசனா, முதன் மா மறை வாசனா,

            இடையர் குடிலிடை மேவி எழுந்தாய்,

            இமையவர் அடி தொழு மேன்மையின் எந்தாய், - வர

3.         வானோர் தொழும் நாதனே, மறையாகம போதனே,

            கானாவின் அதீதனே[2], கலிலேய வினோதனே,

            ஞானாகரமே, நடு நிலை யோவா,

            நண்பா, உனத நன்மையின் மகாதேவா! - வர

- வே. சாஸ்திரியார்

---

[1] ஆதாரமில்லாதவரே

[2] மனதிற்கெட்டாதவரே