இயேசு நாமம் ஒன்றை நம்புவீர்

யேசுநாமம் ஒன்றை நம்புவீர்

131. (152) கமாஸ்                                                   ஆதி தாளம்

பல்லவி

                   யேசு நாமம் ஒன்றை நம்புவீர்,

                   பூலோகத்தாரே.

சரணங்கள்

1.         யேசு நாமம் ஒன்றை நம்பும்;

            ரட்சண்யத்துக் கிதுவே ஸ்தம்பம்;

            பேசும் வேறே நாமமெல்லாம்

            பேருலகை ரட்சிக்காதே, - யேசு

2.         பார்த்திபன் தவீது குல

            கோத்திரக் கன்னிமரிபால்,

            நேத்திரம் போலே உதித்து

            நேமியின்[1] ரட்சகனான, - யேசு

3.         பூதலத் தஞ்ஞான இருள்

            போக்கவே மெஞ்ஞான பெருஞ்

            ஜோதியாய் விளங்கும் நீதிச்

            சூரிய னான மகத்வ - இயேசு

4.         பாவிகளீடேற மோட்ச

            பாக்கியம் பெறுவதற்காய்

            ஜீவன் விட்டுயிர்த்தெழுந்து

            சேணுலகுக்[2] கேறிச் சென்ற, - யேசு

5.         விண்டலத்தவர்கள் சூழ,

            வெருண்டலகை பதறி வீழ;

            மண்டலத்தைத் தீர்வை செய்ய

            மாமுகில்[3] மீதேறி வரும், - யேசு           

- ஈ. பாக்கியநாதன்

---

[1] பூமியின்

[2] வானலோகத்திற்கு

[3] மேகம்