என்னாலே ஜீவன் விடுத்தீரோ

என்னாலே ஜீவன் விடுத்தீரோ?

56. (100) ஆனந்தபைரவி                      ஆதிதாளம்

பல்லவி

             என்னாலே ஜீவன் விடுத்தீரோ, - ஸ்வாமீ?

            இத்தனை பாட்டுக்கிங்கே அடுத்தீரோ?

அனுபல்லவி

                        பொன்னாட்டதிபதி பரமன் ஆட்டுக்குட்டியே,

                        பொறுமைக் களவிலாத கிருபைத் திருக்குமாரா,

                        பூண்டு பொற் குருசினில் அறையுண்டெனை

                        மீண்டனுக்ரக மிட நெறி கொண்டதோ? - என்

சரணங்கள்

1.         கள்ளனைப்போல் கட்டுண்ட பரிதாபம், - மெய்ப்பூங்

            காவில் ஆத்துமத்துற்ற மனஸ்தாபம்,-வேர்த்து

            வெள்ளமாய் ரத்தம் புரண்ட சோபம்,-யாரால்

            விபரித்து முடியும் உன் பிரஸ்தாபம்?

            எள்ளத்தனை அன்பிலா உள்ளத் துரோகி நானே;

            எனால் உமக்கென்ன லாபம்? யேசு

            மனா பரப்ரம[1] திரு வுளமோ இது? - என்

2.         சிலுவை மரத்தில் கைகால் நீட்டி, தேவரீர்

            திருவிலாவைத் துளைக்க ஈட்டி, காயம்

            வலிய அன்பின் கடைக்கண் காட்டி,-இன்னம்

            வரவழைக்கிறீர் தயை பாராட்டி;

            விலைகொடுத்தெனைக் கூட்டி, மிக்க சலாக்யம் சூட்டி,

            மீண்டவாறிது மிக்க விசாலமே,

            ஆண்டவா, அது பக்கிஷ[2] நேசமே. - என்

- வே. சாஸ்திரியார்

---

[1] பரம்பொருள்

[2] பட்சமுள்ள