அரூபியே அரூப சொரூபியே

எமை ஆளும் பரிசுத் தரூபியே

111. (131) சேனாவதி                                               ரூபக தாளம்

பல்லவி

                   அரூபியே, அரூப சொரூபியே,-எமை

                   ஆளும் பரிசுத்தரூபியே, அரூப சொரூபியே.

அனுபல்லவி

            திருவிணா[1] டுறை நிதான கருணையா திபதி மோன[2]

            சுரநரர் வணங்கும் வான ஒரு பரா பர மெய்ஞ்ஞான - அரு

சரணங்கள்

1.         ஆதி காரண அரூபியே,-அசரீரி சத்ய

            நீதி ஆரண[3] சொரூபியே,

            வேத வாசக சமுத்ர, ஓதும் வாய்மைகள் சுமுத்ர,[4]

            தீதிலா துயர் விசித்ர, ஜாதி யாருட பவித்ர - அரூ

2.         சீரு லாவிய தெய்வீகமே,-திரி முதல் ஒரு பொருள்

            ஏரு[5] லாவிய சிநேகமே,

            பாருளோர் பணிந்து போற்றும் ஆரியா,[6] அடியர் சாற்றும்

            நேரமே புகழை ஏற்றும்; வீரமாய் மனதை ஆற்றும் - அரூ

3.         பக்தர் பாதகம் அடாமலே,-பசா சுலகுடல்

            சத்ரு சோதனை படாமலே,

            அத்தனார் தேவ கோபம், நித்ய வேதனைகள் சாபம்,

            முற்றும் மாறிடத் தயாபம் வைத்து நீடுன் ப்ரதாபம் - அரூ

- வே. சாஸ்திரியார்

---

[1] மோட்சலோகம்

[2] மௌன

[3] வேதம்

[4] சரியளவான

[5] அழகு

[6] குருவே