சமயமிது நல்லசமயம் உமதாவி

உமதாவி தரவேணுமே

115. மோகனம்                                                         ஆதி தாளம்

பல்லவி

                             சமயமிது நல்லசமயம், உமதாவி

                             தரவேணுமே சாமி.

அனுபல்லவி

                        அமையுஞ் சத்துவங்குன்றி,

                        அருள்ஞானத் துயிரின்றி,

                        அமர்ந்து சேர்ந்தெழும்பா துறங்கிடும்

                        அடியன்மீ தனல்மூட்டி யுயிர்தர, - சமய

1.         யேசுகிறிஸ்துவின்மேல் நேசம் பக்தியும்விசு

            வாசம் நம்பிக்கை சமாதானம் மங்கிடலாச்சே;

            வீசுங்கிரணத்தாவி நேசச்சுவாலைமூட்டி

            மிஞ்சுஞ்சீவ நற்கனிகளீங்குமைக்

            கெஞ்சுதாசனின் மனதிலோங்கிட, - சமய

2.         ஜெயமோதவமோ தேவதியானமோ வாஞ்சையோ

            செய்யுஞ்சுயமுயற்சி தொய்யுங் காரணமேனோ?

            தவனம்[1] ஞானாமுதின்மேல் சற்றுமில்லாததேனோ?

            தந்தையேயுயிர் தந்தென்னைத்தாங்கிட

            உந்தயையினுற் சாகநல்லாவியை, - சமய

3.         ஓதும் பிரசங்கமும் ஓசைக்கைத்தாளம்போல

            ஒலிக்குதல்லாமல் பலன் பலிக்குதில்லை, தாக்குள்

            ஏதுமற்றிடும் பள்ளத்தெலும்பு உயிர்த்தெழும்ப

            எசேக்கியேலுரை வாக்கிலுயிரருள்

            போக்கியே செய்த ஆவியே இங்ஙனம். - சமய

4.         பெந்தெகோஸ்தினில் கூடிவந்த சீடரையன்று

            உந்தனாவியினைப் பொழிந்தபிஷேகஞ்செய்த

            விந்தைபோலெமதிடம் வந்தெம் வேலைகள்முற்றும்

            வேதனே உமதருளி னுயிர்பெறப்

            பூதலர் உமைப் போற்றநின் சேயராய். - சமய

­

-வே. மாசிலாமணி

---

[1] ஆசை