வையகந்தனை நடுத்தீர்க்க இயேசு

வையகந்தன்னை நடுத்தீர்க்க

76.     (127) காபி                                                    ஆதி தாளம்

பல்லவி

                        வையகந்தனை நடுத்தீர்க்க இயேசு

                        வல்லவர் வருகிறார் திருமறைக்கேற்க!

அனுபல்லவி

            பொய்யுலகோர்களின் கண்களும் பார்க்க,

            பொற்பதிதனிற் பரன் சேயரைச் சேர்க்க.                                     - வைய

சரணங்கள்

1.         வானங்கள் மடமடப்போ டொழிந்திடவே,

            மாகிதலம்[1] அதிர்ச்சியாய்த் தானடுங்கிடவே;

            பானுவுன் மதி யுடு அனைத்தும் மங்கிடவே,

            பஞ்சபூதியங்களுந் தானழிந்திடவே.                                        - வைய

2.         முக்கிய தூதனெக்காளமே தொனிக்க,

            முதல் மரித்தோரெல்லாந் தாமெழுந்திருக்க,

            ஆக்கணமுயிருள்ளோர் மறு உருத்தரிக்க,

            ஆண்டவர் வருகிறார், பக்தர்கள் களிக்க.                                 - வைய

3.         யாவரின் சிந்தை செய்கையும் வெளிப்படற்-கு

            இரண்டு புத்தகங்களுந் திறந்தவரவர்க்குப்

            பூவுலகினிலவர் நடந்து வந்ததற்குப்

            புண்ணியனளவுடன் பலனளிப்பதற்கு.                                         - வைய

4.         அடைக்கலன் யேசுவை அறிந்தவர் நாமம்,

            அழிந்திடாதவர்களின் வாழ்வது க்ஷேமம்;

            படைத்திடுவாயிந்தக் கணமுனை, ஷாமம்

            பற்றிடக் கூடுமே திடுக்கெனவே, நம்.                                        - வைய

- ஞா. சாமுவேல்

---

[1] பூதலம்