சொல்லரும் மெய்ஞ்ஞானரே

சொல்லரும் மெய்ஞ்ஞானரே

93. (70) உசேனி                                            ஆதிதாளம்

பல்லவி

            சொல்லரும் மெய்ஞ்ஞானரே, மேன்மைப்ரபுவே,

            சுரூபத் தரூபக் கோனாரே.-உரை

அனுபல்லவி

            வல்லறஞ் சிறந்து மனுவானாரே,-உயர்

            இல்லறந் துறந்து குடிலானாரே,-உரை - சொல்

சரணங்கள்

1.         மாடாயர்[1] தேடும் வஸ்துபகாரி,-மிகு

            கேடாளர் நாடுங் கிறிஸ்து சற்காரி,[2]

            வையகம் புரப்பதற்கு வந்தாரே,-அருள்

            பெய்து நவமும் தவமுந் தந்தாரே,-உரை - சொல்லரும்

2.         அச்சய[3] சவுந்தர அசரீரி,-அதி

            உச்சித சுதந்தர அருள்வாரி,[4]

            ஐயா வல்லாவே, மாதேவா,-ஓ!

            துய்யா,[5] நல்லாவே, ஏகோவா,-உரை - சொல்லரும்

3.         பாவ வினை யாவையுந் தீர்த்தாரே,-உயர்

            தேவ குலமாய் எமைச் சேர்த்தாரே;

            பக்கிஷத்தால்[6] முகம் பார்த்தாரே,-பெரும்

            பொக்கிஷம் போல் எமைச் சேர்த்தாரே,-உரை - சொல்லரும்

- வே. சாஸ்திரியார்

---

[1] மாட்டிடையர்

[2] தயாளன்

[3] அழிவில்லாத

[4] அருட்கடலே

[5] பரிசுத்தனே

[6] பட்சத்தால்