சத்திரத்திலே சிறு இடமுந்தான் உண்டோ
பல்லவி
சத்திரத்திலே சிறு இடமுந்தான் உண்டோ
தங்கிச் செல்கிறோம் இன்றிரவு மாத்திரம்
- 2
அனுபல்லவி
வா...டைக் காற்றிதோ...
ஜில்லென்று காதைத் துளைக்குதே... - 2
1. நீண்ட பயணமாக நாசரேத் முதல் - நாங்கள்
மன்னன் கட்டளையை நிறைவேற்றவே - 2
மெள்ள மெள்ளவே கால்கள் நோகவே
பெத்லகேம் மட்டும் நாங்கள் வந்து சேர்கின்றோம் - 2 - சத்திரத்திலே சிறு
2. காலை வைக்கக்கூட
இடைவெளி இல்லை - சற்று
காலைவரை நீங்கள் பொறுக்கக்கூடுமா?
- 2
அந்த ஓரமாய் சின்னஞ்சிறியதாய்
மாட்டுக் கொட்டில் வேண்டுமானால் எடுத்துக்
கொள்ளுங்கள் - 2
சத்திரத்திலே இடம் கொஞ்சமுமில்லை
மாடு தங்கிடும் கொட்டில் தானுண்டு - 2
3. போதும் எமக்கு போதும் இதுவே - நீங்கள்
செய்த உதவி சாலப்
பெரிதே - 2
தேவன் பெரியவர் போற்றிப் புகழுவோம் - அவர்
பாதைகள் என்றும் வினோதமானதே!
- 2
மாட்டுக் கொட்டிலில் சிறு
இடமும் கிடைத்ததே
தங்கிச் செல்லுவோம் இன்றிரவு
மாத்திரம் - 2 - வா...டைக் காற்றிதோ...
- Mr. Wilbert C Durai
Comments
Post a Comment