மெல்ல பனி இறங்கி வந்து

மெல்ல பனி இறங்கி வந்து

அல்லி மலர் இதழ் விரிக்கும்

நள்ளிராவின் விண் மகனே புல்லணையில் பிறந்ததென்ன

கண் சிமிட்டும் தாரகைகள் வெண்ணிலவை தவிக்கவிட்டு

கன்னி மைந்தா உன்னைக் காண முன்னணை முன் வந்ததென்ன

தாலேலோ கண்ணே தாலேலோ

தரணி மீட்கப் பிறந்தவனே தாலேலோ

தாலேலோ கண்ணே தாலேலோ

தாவீதின் மைந்தனே தாலேலோ - மெல்ல

1. ஆட்டிடையர் ராத்திரியில் சேர்ந்திருந்தாரே

விண்ணில் சத்தம் கேட்டு மந்தை விட்டு வந்தாரே - 2

காற்றில் தேடி வந்ததென்ன பூமி நாடி நின்றதென்ன

ஆட்டுக்குட்டி உந்தனுக்கே கூட்டி ஆக்கி தந்ததென்ன

கன்னிமரி தாலாட்ட இரட்சகனே பிறந்தாய்

புல்லணையில் ஏழைக்கோலம் எமக்காக எடுத்தாய் - 2 - தாலேலோ

2. சாத்திரங்கள் அறிந்துணர்ந்த சாஸ்திரி மூவர்

வெள்ளைப்போளம் பொன்னும் படைத்து நின்றாரே - 2

கோமகன்கள் வந்ததென்ன பணிந்தவர் நின்றதென்ன

தூங்காத தேவன் இங்கே தூங்குகின்ற விந்தை என்ன

கன்னிமரி தாலாட்ட இரட்சகனே பிறந்தாய்

புல்லணையில் ஏழைக்கோலம் எமக்காக எடுத்தாய் - 2 - தாலேலோ

Tamil Christian Songs