கர்த்தன் என் இயேசு ராஜன்
பெத்தலை முன்னணையில்
நிந்தை அதை நீக்கிட
மைந்தனாய் வந்துதித்தார்
மெத்தை இல்லை புல்லணை
மாடி இல்லை மாடடை
வீடும் இல்லை சத்திரமே
விந்தையாம் விந்தை அதே - கர்த்தன்
என்
1. போற்றினர் வான தூதர், கூடினர் ஆட்டிடையர்
தேடின இராயர்
மூவர், பொற்பாதம் பணியவே
எல்லை இல்லாத பரன், புல்லணையைத் தேடி
தெண்டனிட ஏகிடுவோர்
சத்திரத்தை நாடி - கர்த்தன் என்
2. பாதகர் பாவம் தீர்த்திட,
நித்ய பிதாவின் சுதன்
தன் உயிர் தனை
தந்திட, மண்ணினில் வந்துதித்தார்
என்னதான் ஈந்திடுவோம், மன்னவன் அன்புக்கீடாய்
நெஞ்சமதை சொந்தமதாய்,
தூயர் பாதம் படைப்போம் - கர்த்தன் என்
- திருமதி. ஆக்னஸ் டேவிட்சன்
No comments:
Post a Comment