நாம் தேவ சந்நிதானத்தில்

8. Luther,                                                          8, 7, 8, 7, 8, 8, 7

"Sei Lob und Ehr dem hochsten Gut"

1.       நாம் தேவ சந்நிதானத்தில்

                        மகா மகிழ்ச்சியாக

            வந்தாதி கர்த்தரண்டையில்

                        வணக்கஞ் செய்வோமாக,

            யெகோவாவுக்கு நிகர் ஆர்!

            யாவும் நன்றாகச் செய்கிறார்;

                        கர்த்தாவுக்கே புகழ்ச்சி!

2.         கர்த்தாதி கர்த்தர் ஞானத்தால்

                        யாவற்றையும் நன்றாக

            சிஷ்டித்துத் திட்டம் செய்ததால்,

                        மகா வணக்கமாக

            விண் மண் கடல் ஆகாசமும்

            விடாமல் துதி செலுத்தும்;

                        கர்த்தாவுக்கே புகழ்ச்சி!

3.         மேலான அற்புதங்களை

                        செய்தென்னைப் பூரிப்பாக்கி,

            என் மேல் விழுந்த பாரத்தை

                        இரக்கமாய் விலக்கி

            ரட்சித்த மா தயாபரர்

            துதிக்கு என்றும் பாத்திரர்;

                        காத்தாவுக்கே புகழ்ச்சி!

4.         மெய் மார்க்கத்தாரே, கர்த்தரை

                        துதித்துக் கொண்டிருங்கள்;

            அவர் சிறந்த நாமத்தை

                        எந்நேரமும் தொழுங்கள்

            அவர் எல்லாம் படைத்தவர்,

            கர்த்தாதி கர்த்தரானவர்;

                        கர்த்தாவுக்கே புகழ்ச்சி!