என் ரட்சகா நீர் என்னிலே

O Jesus Christ grow Thou in me

Gerontius.  Richmond

369                                                                             C.M.

1.         என் ரக்ஷகா, நீர் என்னிலே

                        மென்மேலும் விளங்கும்;

            பொல்லாத சிந்தை நீங்கவே

                        சகாயம் புரியும்.

2.         என் பலவீனம் தாங்குவீர்

                        மா வல்ல கரத்தால்;

            சாவிருள் யாவும் நீக்குவீர்

                        மெய் ஜீவன் ஜோதியால்.

3.         துராசாபாசம் நீங்கிடும்

                        உந்தன் பிரகாசத்தால்

            சுத்தாங்கக் குணம் பிறக்கும்

                        நல்லாவி அருளால்.

4.         மாசற்ற திவ்விய சாயலை

                        உண்டாக்கியருளும்;

            என்னில் தெய்வீக மகிமை

                        மென்மேலும் காண்பியும்.

5.         சந்தோஷிப்பித்துத் தாங்குவீர்

                        ஒப்பற்ற பலத்தால்;

            என் நெஞ்சில் அனல் மூட்டுவீர்

                        பேரன்பின் ஸ்வாலையால்.

6.         நீர் பெருக, நான் சிறுக

                        நீர் கிரியை செய்திடும்;

            மெய் பக்தியில் நான் வளர

                        காடாட்சித்தருளும்.