என் உள்ளமே கர்த்தாவை

47. Frohlich: Day of Rest.                                                           7s, 6s, 8l.

"Nun lob, mein seel, den Herren"

1.       என் உள்ளமே, கர்த்தாவை

                      ஆவலாய்த் துதித்து,

            என் ஆவியே, தெய்வன்பை

                        எப்போதும் போற்றிடு;

            உன் பாவத்தை மன்னித்து,

                        உன் கேட்டை நீக்கினார்;

            உன் ஜீவனை ரட்சித்து,

                        நற்சீர் அளிக்கிறார்.

2.         மகா இரக்கமான

                        சகாயர் கர்த்தர்தான்,

            நொறுங்குண்டோருக்கான

                        அருளின் ஊற்றேயாம்;

            கோபத்தை என்றென்றைக்கும்

                        என் தேவன் கொள்ளாரே,

            மனம் நறுங்குண்டோர்க்கும்

                        கிருபை செய்வாரே.

3.         தந்தை தன் மைந்தருக்கு

                        இரங்கும் வண்ணமாய்

            கர்த்தர் தம் தாசருக்கு

                        இரங்குவார் மெய்யாய்;

            நாம் இன்ன உருவென்று

                        நன்றாக அறிவார்,

            நாம் தூளும் மண்ணும் என்று

                        அறிந்திருக்கிறார்.

4.         கர்த்தரின் வேதம் சொல்லும்

                        ப்ரமாணப்படியே

            இசைந்து அவர் காட்டும்

                        அன்புக்கு ஏற்கவே

            நடந்து கொள்ளுவோர்க்கு

                        கடாட்சம் அருள்வார்,

            பரமாநந்தத்துக்கு

                        ஆளாக்கி ரட்சிப்பார்.