என்றும் கர்த்தாவுடன்

For ever with the Lord

Nearer Home

401                                         D.S.M.

1.                 “என்றும் கர்த்தாவுடன்,

                        நான் கூடி வாழுவேன்,”

            இவ்வாக்கினால் சாகா வரன்;

                        செத்தாலும் ஜீவிப்பேன்;

                        பற்றாசையால் உம்மை

                        விட்டே நான் அலைந்தேன்;

            நாடோறும் வழி நடந்தே

                        விண் வீட்டைக் கிட்டுவேன்

2.                     அதோ சமீபமே,

                        பிதாவின் வீடுதான்!

            என் ஞானக் கண்கள் காணுமே

                        மின்னும் பொன்னகர் வான்;

                        தூயோர் சுதந்தரம்,

                        நான் நேசிக்கும் நாடே;

            என் ஆவி மேலெருசலேம்

                        சேரத் தவிக்குமே.

3.                     “கர்த்தாவுடன் என்றும்!”-

                        பிதாவே, இங்கும் நீர்

            இவ்வாக்கை நிறைவேற்றவும்

                        சித்தம் கொண்டருள்வீர்,

                        என் பக்கம் தங்கிடின்,

                        தப்பாமலே நிற்பேன்;

            கை தூக்கி என்னைத் தாங்கிடின்,

                        போராடி வெல்லுவேன்.

4.         என் ஜீவன் போகும் நாள்

                        கிழியும் இத்திரை;

            சாவை அழிப்பேன் சாவினால்

                        சாகா உயிர் பெற்றே;

                        என் தேவனைக் காண்பேன்,
                        நின்று களிப்புடன்

            சிம்மாசனத்தின் முன் சொல்வேன்:-

                        “என்றும் கர்த்தாவுடன்”.