இராஜன் தாவீதூரிலுள்ள

54. Irby                                                                 8,7,8,7,7,7

"Once in royal David's city"

1.         ராஜன் தாவீதூரிலுள்ள

            மாட்டுக் கொட்டில் ஒன்றிலே

            கன்னி மாதா பாலன் தன்னை

            முன்னணையில் வைத்தாரே,

            மாதா, மரியம்மாள் தான்;

            பாலன், இயேசு கிறிஸ்துதான்.

2.         வானம் விட்டுப் பூமி வந்தார்

            மகா தேவ தேவனே;

            அவர் வீடோ மாட்டுக் கொட்டில்,

            தொட்டிலோ முன்னணையே,

            ஏழையோடு ஏழையாய்

            வாழ்ந்தார் பூவில் தாழ்மையாய்

3.         ஏழையான மாதாவுக்கு

            பாலனாய்க் கீழ்ப்படிந்தார்;

            பால்ய பர்வம் எல்லாம் அன்பாய்

            பெற்றோர்க்கு அடங்கினார்

            அவர்போல கீழ்ப்படிவோம்,

            சாந்தத்தோடு நடப்போம்.

4.         பாலர்க்கேற்ற பாதை காட்ட

            பாலனாக வளர்ந்தார்;

            பலவீன மாந்தன்போல

            துன்பம், துக்கம் சகித்தார்,

            இன்ப துன்ப நாளிலும்

            துணை செய்வார் நமக்கும்.

5.         நம்மை மீட்ட நேசர் தம்மை

            கண்ணால் கண்டு களிப்போம்;

            அவர் தாமே மோக்ஷலோக

            நாதர் என்று அறிவோம்,

            பாலரை அன்பாகவே

            தம்மிடத்தில் சேர்ப்பாரே.

6.         மாட்டுத் தொழுவத்திலல்ல,

            தேவ ஆசனத்திலும்,

            ஏழைக்கோலமாக அல்ல,

            ராஜ கிரீடம் சூடியும்

            மீட்பர் வீற்றிருக்கின்றார்,

            பாலர் சூழ்ந்து போற்றுவர்.