உலகத்தைப் பலமுள்ள

Grosser Gott von alten Zeiten

Bavarlan 62

43                                                                        8, 7, 8, 7, 7, 7

1.       உலகத்தைப் பலமுள்ள

                        கையால் ஆண்டு, தினமே

            என்னைக் காக்கும் உண்மையுள்ள

                        மா பெரிய கர்த்தரே,

                        என்னைத் தெய்வ துதிக்கும்

                        இந்த நாள் எழுப்பிடும்.

2.         கர்த்தரின் திருநாளான

                        இந்த நாள் மா இன்பமே;

            இதில் ஓய்வும் உண்மையான

                        ஆறுதலும் ஈவீரே;

                        இதில் ஆவியானவர்

                        மோட்ச வழி காட்டுவர்.

3.         என் ரட்சிப்பை நடப்பிக்க

                        இந்த வேளை தக்கதே;

            தெய்வ தயவைச் சிந்திக்க

                        என்னைத் தூண்டி ஏவுமே;

                        என் ஜெபம் புகழ்ச்சியும்

                        வானமட்டும் ஏறவும்.

4.         தேனைப்பார்க்கிலும் தித்திக்கும்

                        உம்முடைய வசனம்

            ஆத்துமத்தைப் போஷிப்பிக்கும்

                        ருசியான அமிர்தம்;

            ராப்பகலும் அதை நான்

            சிந்தித்தால் மெய்ப் பாக்கியவான்.

5.         எங்கள் ஜெபத்துக்கன்பாக

                        நீரே ஆமேன் என்கவும்,

            மோட்சத்தில் உம்மை நேராக

                        நாங்கள் பார்க்குமட்டுக்கும்,

                        ஏகமாய் வணங்குவோம்;

            உம்மைப் பாடிப் போற்றுவோம்.