பராபரனே உமது

33. Eisenach Rivaulx; Winchester.                                     L.M.

"Ver deinen thron tret ich hiemit"

1.         பராபரனே, உமது

            ராஜாசனத்தின் அண்டைக்கு

            பணிந்து தாழ்மையாய் வரும்

            இப்பாவியைத் தள்ளாதேயும்.

2.         பிதாவே, என்னைத் தேவரீர்

            உம் சாயலாய்ச் சிருஷ்டித்தீர்;

            நீர்தான் என் ஜீவன் உம்மையே

            அல்லாமல் மாண்டு போவேனே.

3.         தெய்வீக மைந்தன் இயேசுவே,

            வற்றாத அன்பின் ஆழியே,

            அடியேன் உய்ய, தேவரீர்,

            பலியாய் ஜீவனை விட்டீர்.

4.         தேவாவியே என் நெஞ்சை நீர்

            திருப்பிப் புதிதாக்கினீர்;

            என்னென்ன நன்மை என்னிலே

            உண்டோ, அதும்மால் வந்ததே.

5.         நீர் சோதனையில் தாங்குவீர்,

            எத்துன்பத்திலும் கைவிடீர்;

            உம்மால் திடனும் வெற்றியும்

            மனமகிழ்ச்சியும் வரும்.