மெய் ஜோதியாம் என் நேசரே

17. Abends Hurseley                                                            L.M.

"Sun of my soul, Thou Saviour dear"

1.       மெய் ஜோதியாம் என் நேசரே,

            நீர் தங்கினால் ராவில்லையே;

            என் நெஞ்சுக்கும்மை மறைக்கும்

            மேகம் வராமல் காத்திடும்.

2.         உம் நேசமார்பில் என்றுமே

            நான் சாய்வது வாழ்தல் இன்பமே,

            என்றெந் தன் படுக்கையிலும்

            சிந்திக்க ஏவியருளும்.

3.         என்னோடு தங்கும் பகலில்

            சுகியேன் நீர் இராவிடில்;

            என்னோடு தங்கும் ராவிலும்,

            நீர் தாங்கின் அஞ்சேன் சாவிலும்.

4.         இன்றைக்குத் திவ்ய அழைப்பை

            அசட்டை செய்த பாவியை

            நீர் கைவிடாமல், இப்போதே

            இழுத்துக் கொள்ளும், மீட்பரே.

5.         நோயுற்றோரைக் கண்ணோக்கிடும்.

            வறியோரை விசாரியும்;

            துக்கிப்போர் சிசுபோலவே

            அமர்ந்து தூங்கச் செய்யுமே.

6.         விழிக்கும் போதென்னருகில்

            நீர் வந்து எந்தன் வேலையில்

            என் ஆயுள் காலம் முழுதும்

            உம் அருள் தந்து காத்திடும்.