நல் மீட்பரே இந்நேரத்தில்

10. St. Mathias,                                                      8,8,8,8,8,8.

"Sweet Saviour, bless us ere we go"

1.       நல் மீட்பரே, இந்நேரத்தில்

                        வந்தாசீர்வாதம் கூறுமேன்;

            உம் வார்த்தை கேட்டோர் மனதில்

                        பேரன்பின் அனல் மூட்டுமேன்,

            வாழ்நாளிலும், சாங்காலத்தும்,

            ஆ யேசுவே, ப்ரகாசியும்.

2.         இன்றெங்கள் செய்கை யாவையும்

                        தயாபரா, நீர் நோக்கினீர்;

            எல்லாரின் பாவம் தவறும்

                        மா அற்பச் சீரும் அறிந்தீர்.

            வாழ்நாளிலும், சாங்காலத்தும்,

            ஆ யேசுவே, ப்ரகாசியும்.

3.         எப்பாவத் தீங்கிலிருந்தும்

                        விமோசனத்தைத் தாருமேன்;

            உள்ளான சமாதானமும்

                        சுத்தாங்கமும் உண்டாக்குமேன்.

            வாழ்நாளிலும், சாங்காலத்தும்,

            ஆ யேசுவே, ப்ரகாசியும்.

4.         சந்தோஷம் பயபக்தியும்

                        நீர் நிறைவாக ஈயுமேன்;

            உமக்கொப்பாக ஆசிக்கும்

                        தூய்தான உள்ளம் தாருமேன்.

            வாழ்நாளிலும், சாங்காலத்தும்,

            ஆ யேசுவே, ப்ரகாசியும்

5.         தரித்ரம் துன்பம் பாவத்தால்

                        இக்கட்டடைந்த யாரையும்

            கண்ணோக்கும் மா கிருபையால்;

                        நீர் மீட்பர், நீர் சமஸ்தமும்

            வாழ்நாளிலும், சாங்காலத்தும்,

            ஆ யேசுவே, ப்ரகாசியும்.