யேசுவே திருச்சபை ஆலயத்தின்

யேசுவே திருச்சபை ஆலயத்தின் மூலைக்கல்

315. (314) யமுனாகல்யாணி                             ரூபகதாளம்

பல்லவி

                   யேசுவே திருச்சபை ஆலயத்தின்

                   என்றும் நிலைக்கும் மூலைக்கல்.

அனுபல்லவி

                        பேசற் கரிய மூலைக்ககல் அவர்

                        பெரும் மாளிகையைத் தாங்கும் கல். - யேசுவே

சரணங்கள்

1.         ஆகாதிதென்று வீடு கட்டுவோர்

            அவமதித்திட்ட இந்த கல்;

            வாகாய் ஆலய மூலைக் கமைந்து

            வடிவாய்த் தலைக்கல்லான கல். - யேசுவே

2.         ஆலயமெல்லாம் இசைவாய் இணைக்கும்

            அதிசயமான அன்பின் கல்;

            ஞாலத்துப்[1] பல ஜாதிகள் தமை

            நட்புற[2] ஒன்றாய்ச் சேர்க்கும் கல். - யேசுவே

3.         ஒப்பில்லா அரும் மாட்சிமை யுறும்

            உன்னத விலைபெற்ற கல்;

            எப்போதும் பரஞ்சோதியாய் நீதி

            இலங்கும்[3] சூரியனான கல். - யேசுவே

4.         காற்றுக்கும் கன மழைக்கும் அசையா

            கடிய மாபலமான கல்;

            மாற்றிக் கலியை ஆற்றுத் துயரைத்

            தேற்றி சபையைக் காக்குங் கல். - யேசுவே

5.         என்றும் கட்டுவோம் இந்த ஆலயத்தை,

            எழிலுறவே[4] இக் கல்லின்மேல்;

            நன்றாய் இக்கல்லில் நம்பிக்கை வைப்போன்

            நாணம் அடையாள மெய்தானே. - யேசுவே

- வே. சந்தியாகு

---

[1] பூமியின்

[2] சினேகமுண்டாக

[3] ஒளிவீசும்

[4] அழகாய்