நித்தம் அருள்செய் தயாளனே

நித்தம் அருள்செய்

362. செஞ்சுருட்டி                                          ஆதி தாளம்

பல்லவி

            நித்தம் அருள்செய்  தயாளனே!-எங்கள்

            நேசா யேசு மணாளனே!-ஸ்வாமி - நித்தம்.

அனுபல்லவி

                        உத்தம சற்குண தேவ குமாரா!-

                        உம்பர்கள்[1] சந்ததம் போற்றும் சிங்காரா!

                        சத்திய வேதவி னோதலங்காரா!-

                        சதிசெய்யும் பேய் தலை சிதைத்த சிங்காரா! - நித்தம்

சரணங்கள்

1.         பட்சப் பரம குமாரனே, எங்கள் பாவந்தீரும்

                        மாவீரனே ஸ்வாமி!

            அட்சய[2] சவுந்தர ஆத்துமநாதா, அடியவர் துதிசெய்யும்

                        ஆரணபோதா,

            ரட்சண்யச் சுப சுவி சேடப்பிரஸ்தாபா, ராசகெம்பீர,

                        சங்கீத பொற்பாதா. - நித்தம்

2.         சென்றாண்டெமை முகம் பார்த்தவா, ஒரு சேதம் விக்கின[3]

                        மறக் காத்தவா,-ஸ்வாமி!

            இன்றோர் புதுவரு டாரம்பங் கண்டோம், ஏக சந்தோஷ

                        மாய்ச் சந்தித்துக் கொண்டோம்.

            குன்றா[4] உமதுநல் லாவியை ஈந்து கூடவே இருந்தடியார்

                        ஜெபங்கேட்டு. - நித்தம்

- ஆ.ஜா. பிச்சைமுத்து

---

[1] தேவதூதர்

[2] அழியாத

[3] இடையூறு

[4] குறையாத