தாரகமே பசிதாகத்துடன் உம்மிடம்

பசி, தாகத்துடன் வாறேன்

309. (307) தேவகாந்தாரி                                ஆதி தாளம்

பல்லவி

                    தாரகமே,-பசிதாகத்துடன் உம்மிடம்

                    வேகத்துடனே வாரேன்.

அனுபல்லவி

            சீருஞ் செல்வமும் பெற்றுத் தேறும்படிக் கென்னிடம்

            சேரும் யாரையும் ஒருபோதுந் தள்ளிடே னென்றீர். - தாரகமே

சரணங்கள்

1.         பாவமகலத் தேவ கோபமது ஒழியப்

            பாடுபட்டுயிர் விடுத்தீர்;-பின்னும்

            ஜீவ போசன மெனக்கீய உமையே அந்தச்

            சிலுவைதனிலே பகுத்தீர்;

            மேவியெனை நெருக்கித் தாவும் பவத்தைக் கொன்று,

            சேவித் துயிர்பிழைக்க, தேவே, உமையுட் கொள்ள. - தாரகமே

2.         காணாதொழிந்த ஆடு வீணாய்ப் போகாமல் அதை

            கண்டுபிடித்தி ரட்சித்தீர்;-அது

            பேணுதலுடன் பரி பூரண மடைந்திடப்

            பேருல குதித்தேனென்றீர்;

            வேணுமுமது நீதி பூண, நிறைவா யுன்றன்

            மாணருளுந் திருப்தியானே பெற உம்மிடம். - தாரகமே

3.         தந்த திருவசனம் உந்தம் இராப்போசனம்

            தகமை எத்தனமாமே;-யான்

            சிந்தை பணிந்தவற்றை என்றன் மனதுட்கொள்ளத்

            தேவசுத்தாவி தாமே;

            உந்தம் தசையுதிர விந்தை விருந்தினை யான்

            சந்ததமுண்டு துதி சாற்ற அருள் செய்வீரே! - தாரகமே

- வே. மாசிலாமணி