பாலர் நேசனே மிகப் பரிவுகூர்ந்திந்தப்

பாலர் நேசனே

301. (108) மோகனம்                                           ஏகதாளம்

பல்லவி

            பாலர் நேசனே,-மிகப்-பரிவுகூர்ந்திந்தப்

            பாலரை யேந்தி-ஆசீர்-வதியும், யேசுவே;

சரணங்கள்

1.         பாலர் வந்திடத்-தடை-பண்ணொணாதென்றீர்;

            சாலவந்தருள்-தந்து-தலைமேற் கைவைப்பீர். - பாலர்

2.         வான ராச்சியம்-இவர்-வசத்த தென்றீரே;

            ஞானஸ்நானத்தால்-உந்தம்-நாமஞ்சூட்டுவீர். - பாலர்

3.         கானம் பாடியே-பாலர்,-கர்த்தரே உமைத்

            தானே, ஓசன்னா!-எனச்-சத்தமிட்டாரே. - பாலர்

4.         தேவ பாலனே,-நீருஞ்-சிறிய பிள்ளையாய்

            மேவினீ ரதால்-உமை-வேண்டினோ மையா - பாலர்

5.         ஆவியா லிவர்-ஞான-அபிஷேகம் பெற,

            ஜீவ நேசரே,-அருள்-சிறியர்க் கீவீரே - பாலர்

6.         தாசர் நாங்கள் செய்-வாக்குத்-தத்தம் மீறாமல்,

            நேச யேசுவே,-யெமை-நிலைநிறுத்துவீர். - பாலர்

- யாழ்ப்பாணம் எரேமியா