பாவ நாசர் பட்ட காயம்

69. Love Divine:        Batty, Dorrnance                               8s, 7s.

"Sweet the moments rich in....."

1.          பாவ நாசர் பட்ட காயம்

                        பார்த்துணர்ந்து கொள்வது

            சுத்தம், செல்வம், நற்சகாயம்

                        சமாதானம் உள்ளது.

2.         ரத்த வெள்ளம் பாய்ந்ததாலே

                        அன்பின் வெள்ளம் ஆயிற்று;

            தேவ நேசம் அதினாலே

                        மானிடர்க்குத் தோன்றிற்று.

3.         ஆணி பாய்ந்த மீட்பர் பாதம்

                        தஞ்சம் என்று பற்றினேன்;

            அவர் திவ்ய நேசமுகம்

                        அருள் வீசக் காண்கிறேன்.

4.         பாசத்தால் என் நெஞ்சம் பொங்கி

                        துக்கத்தால் கலங்குவேன்;

            அவர் சாவால் துக்கம் மாறி

                        சாகா ஜீவன் அடைவேன்.

5.         நாதா நானும் மோட்சம் சென்று

                        உம்மைக் காணுமளவும்

            நன்றியுள்ள நெஞ்சத்தோடு

                        உம்மைப் பற்ற அருளும்.